حابة حابة
كلمات: سيد حجاب | ألحان وتوزيع: عمار الشريعى
حابة حابة تعاليلى يا زغلولى زغاليلى
روحى روحى وإرجعيلى
وإمشى يا بطة وحطى وشيلى
حابة حابة تعاليلى يا أم الضحكة سمرا نيلى
تسلميلى وتكبريلى وتلفى الدنيا وتجينى
إحبى كمان حابة حابة انا مهما بعدت قريبة
يا مرحبة يا غريبة يا منورة فى نهارى وليلى
إمبارح شفتك فى مرايتى ماسكة كتابى بتقرى قرايتى
قلت إن شاء الله يا قمرة إنتى تتعلمى بكرة وتقريلى
وأهو بابا ضحكلك بعيونه لما مسكتى بنطلونه
ولبستى فى رجلك النونو جذمتك ووقفتى تبصيله
دى فيونكة دى ولا فراشة قوليلى يا بسبوسة على بغاشة
ليه ماسكة صباح الكماشة خايفة لا تتكعبلى وتميلى
حابة حابة خطى معايا يا حلوة الصباية
خليتى شقتنا سرايا وانا رهن إشارتك شاوريلى
قدام بيتنا جنينة شوفى بكرة أخدك على الورد تطوفى
تتمشى وأدوس انا على خوفى وأبعد وأناديكى بمنديلى
اجمل فنانات الزمن الجميل
ردحذف