ليل الغلابة
كلمات: سيد مرسى - ألحان: بليغ حمدى
راح فين الغالى راح فين يا ليالى
كان هنا معايا متربى معايا
بس يا خسارة اهو راح فى العالى
واحنا غلابة مالناش فى العالى
وايه يوصلنا للساكنين العالى
خايفة على طيرى يتعب وياهم
ليكون مش واخد على جرح هواهم
ويتوه فى طريقهم ويقاسى معاهم
اصله مش قد السكنة فى العالى
واحنا غلابة مالناش فى العالى
وايه يوصلنا للساكنين العالى
عينى على طيرى شايلاه فى عينيا
ومهما يطير منى ميهونش عليا
ليل الغلابة طول عليا
ولسة الليالى جايبالنا ليالى
وايه يوصلنا للساكنين العالى
ليل الغلابة هون عليهم
وامسح يا ليلى دمعة عينيهم
ده الحب يا عينى باين فى عينيهم
لكن يا خسارة طالعين فى العالى
واحنا غلابة مالناش فى العالى
وايه يوصلنا للساكنين العالى
الله الله الله
ردحذفروعه والله
احساس جميل وراقى
الله يرحم العملاقين المؤلف و الملحن